© Sputnik/Ertai Sarbasov
Almatyda Uly Jeńistiń 79 jyldyǵy toilandy. Dástúr boiynsha negizgi merekelik is-sharalar 28 gvardiiashy-panfilovshylar atyndaǵy saiabaqta ótti, dep habarlaidy qalalyq ákimdik.
Almaty ákimi Erbolat Dosaev Máńgilik alaýǵa gúl shoqtaryn qoidy.
Bir minýt únsizdikten keiin Uly Otan soǵysynyń ardagerleri, tyl eńbekkerleri, áskeri qyzmetshiler, quqyq qorǵaý organdarynyń ókilderi, qoǵam qairatkerleri men qala turǵyndary qaza tapqan qazaqstandyq jaýyngerlerdi eske alýǵa arnalǵan Dańq memorialyna gúl shoqtaryn qoidy.
Ákim maidangerlerdi merekemen quttyqtap, urys alańynda jáne eńbek maidanynda kórsetken erlikteri úshin alǵys aityp, zor densaýlyq, mol baqyt, amandyq tiledi.
Óz kezeginde ardagerler kezdesý barysynda qala basshylyǵyna nazar aýdarǵany úshin rizashylyq bildirip, Almaty turǵyndary men qazaqstandyqtarǵa beibitshilik pen jaqsylyq tiledi. Sondai-aq esteligin bólisip, óleń oqyp, soǵys týraly ánder aitty.
