Almatyda turmystyq tehnika dúkenine shabýyl jasaǵan tonaýshy qamaýǵa alyndy, dep habarlaidy QazAqparat.
Jedel-izdestirý is-sharalary barysynda 24 jastaǵy Jambyl oblysynyń turǵyny ustaldy. Odan urlanǵan zattar tárkilendi. Ol negizinen turmystyq tehnika.
Politsiia málimeti boiynsha, kúdikti Raiymbek dańǵyly boiynda ornalasqan turmystyq tehnika dúkenin tonaýǵa jáne jappai tártipsizdikke qatysqan. Belgili bolǵandai, qasqói urlanǵan zattardy turǵylyqty jerinde jasyryp, keiinnen satýdy josparlaǵan.
«Atalǵan fakti boiynsha QR QK-niń 188-baby 3-bóliginiń 3-tarmaǵy boiynsha sotqa deiingi tergeý amaldary júrgizilýde. Ustalǵan adamǵa qatysty sot qamaýǵa alý túrindegi sanktsiiany tańdady, – dedi Medeý aýdandyq politsiia basqarmasy janyndaǵy politsiia bóliminiń bastyǵy Edilhan Baiǵaraev.
