Ulttyq Qaýipsizdik Komitetimen jappai tártipsizdik pen terroristik aktige qatysqandardy ustaý jáne jasalynǵan qylmystardyń sebepterin anyqtaý boiynsha keshendi is-shara júzege asyrý kezinde, 4-8 qańtar aralyǵynda Almaty qalasyndaǵy jappai tártipsizdikke qatysqan 2 ekstremistik top quryqtaldy, - dep habarlaidy Tengrinews.kz QR UQK baspasóz-qyzmetine silteme jasap.
Vedomstvo málimetinshe, 9 qańtarda ekstremistik áreketke aldap-arbaý, ekstremistik uiymǵa basshylyq etý jáne oǵan qatysý, sondai-aq jappai quqyqqa qaishy aktsiialardy júrgizý kúdigimen bir uiashyqtyń 4 múshesi ustaldy.
Turǵylyqty mekenderin tekserý barysynda atylatyn qarý, dybys-jaryq granatalar, oq-dáriler jáne dini ádebietter zattai aiǵaq retinde tárkilendi.
Uiym jetekshisi halyqaralyq terroristik uiymmen bailanysy bar, jappai tártipsizdikke belsendi túrde atsalysqan shetel azamaty bolyp tabylady.
Tergeý tujyrymy boiynsha, ol Qazaqstanǵa jappai quqyqqa qaishy aktsiialardy daiyndap, sondai-aq bilik organdary men qarýly qurylymdarǵa shabýyl jasaý úshin kelgeni anyqtaldy.
Oǵan osy maqsatta kómek berýshilerdi izdestirý uiymdastyryldy. Tergeý múddesine sáikes keibir aqparattar jariialaýǵa jatpaidy.
Jedel jáne tergeý sharalary jalǵasyp jatyr.
Sonymen qatar, keibir BAQ-ta jáne áleýmettik jelilerde QR UQK Almaty qalasy boiynsha departamentinen qarý-jaraqtar, oq-dáriler, basqa da múlikter urlanǵany jaiynda taralǵan aqparattar - jalǵan.
Terroristik qaýiptiń "qyzyl" deńgeiiniń talaptaryna sáikes, departament kúsheitilgen tártipte qyzmet atqaryp jatyr.
