Almatyda Jańa jyl qarsańynda Úndistan azamatyn tonap, loto klýbqa qaraqshylyq shabýyl jasaǵandar ustaldy, - dep habarlaidy Tengrinews.kz tilshisi Almaty qalasy Politsiia departamentiniń baspasóz qyzmetine silteme jasap.
Vedomstvo málimetinshe, qylmystyq toptyń 27-jastaǵy eki múshesi de buryn sottalǵan, ekeýi de - Túrkistan oblysynyń týmalary.
"Sotaldy tergeý amaldary barysynda belgili bolǵandai, kúdikti azamattar Jańa jyl merekesi qarsańynda Úndistan eliniń azamatyn tonap, loto klýbqa qaraqshylyq shabýyl jasaǵan. Eki jaǵdaida da olar travmatikalyq tapansha paidalanǵan. Shetel azamatynyń uialy telefony men aqshasyn tartyp alǵan, keiin loto klýb kassasynan 2 million teńge kóleminde qarajatty qoldy etken. Qaraqshylyq shabýyl kezinde atalǵan mekemeniń kúzetshisi jaralanǵan", - dedi Almaty qalasy Politsiia departamentiniń Kriminaldyq politsiia basqarmasynyń bastyǵy politsiia podpolkovnigi Qýatbek Naýatov.
Onyń aitýynsha, atalǵan aýyr qylmystardy ashý úshin arnaiy jedel tergeý toby qurylyp, nátijesinde jedel ýákilder kúdiktilerdi Nur-Sultan qalasynda qolǵa túsirgen.
"Keiin kúdiktiler buǵan deiin Almaty oblysy, Qarasai aýdany aýmaǵynda ornalasqan loto klýbqa da shabýyl jasaǵany anyqtalady. Qazirgi tańda ustalǵandar ózge de qylmystarǵa qatysy bar-joǵy anyqtalyp jatyr", - dedi Qýatbek Naýatov.
