Almatyda úsh qabatty qonaqúi men gúl satatyn dúkendi súrildi, dep habarlaidy "Ult aqparat".
Qulja dańǵylynyń boiynda ornalasqan bul ǵimaratta qonaqúi, dámhana men dúken ornalasqan. Sot sheshimimen onyń zańsyz turǵyzylǵany anyqtaldy.
«Jer qatynastary basqarmasynyń ǵimarat iesi týraly sotqa bergen shaǵymy biraz ýaqytqa sozylǵan. Araǵa ýaqyt salyp sot otyrysyna núkte qoiyldy. Sot sheshimi boiynsha ruqsatsyz turǵyzylǵan ǵimarat buzylýy tiis. Alaida, menshik iesi bul sheshimdi oryndamaǵan. Jýyqta sot oryndaýshylarmen birigip, ǵimaratty kúshpen buzdyq»,- dedi qala qurylysy basqarmasynyń mamandary.
Byltyrǵy tekseris kezinde 180 sharshy metr gúl alańy da kóptegen zańbuzýshylyqtarmen salynǵany anyqtalǵan.
«Dúken eshbir jobalyq-smetalyq qujatsyz, joba sarapshylarynyń qorytyndysynsyz turǵyzylǵan. Avtorlyq jáne tehnikalyq qadaǵalaýsyz salynǵan. Qurylystyń bolatyny týraly jaýapty oryndarǵa esh aitylmaǵan. Sondai-aq, bul ǵimarat qurylysy úshin turǵyn úidi buzǵan. Bul «QR Sáýlet, qala qurylysy jáne qurylys týraly« zańynyń 34-2 baby, 2 bólimin buzý bop tabylad», - dedi basqarma mamandary.
