Almatyda qara tútinge oranǵan trolleibýstyń videosy áleýmettik jelide paida boldy, dep habarlaidy QazAqparat.
Kýágerlerdiń aitýynsha, oqiǵa Abai jáne Jarokov kósheleriniń qiylysynda bolǵan. Trolleibýs qoǵamdyq kólik júretin jolda buzylǵan. Onyń júrgizýshisi órtti sóndirýge umtylyp jatyr.
Qazir oqiǵanyń mán - jaiy anyqtalýda.
«23 tamyz kúni tańerteń Abai men Gagarin kósheleriniń qiylysynda jattyǵý trolleibýsynyń tóbesinen tútin shyqty. Júrgizýshi dereý áreketke kóshken. Ol nusqaýlarǵa sáikes, órt sóndirgishpen órttiń aldyn aldy. Bul jattyǵý trolleibýsy bolyp sanalady. Ol nóldik reis jasady. Onda jolaýshylar bolǵan joq», - delingen «Almatyelektrotrans» JShS-niń habarlamasynda
