13 mamyr kúni Almaty qalasynyń botanikalyq baǵynda jazǵy kinoteatr ashylady. Filmder ár demalys saiyn tegin kórsetiletin bolady. Bul týraly brod.kz saity jazdy.
Jańa mádeni sharany Qazaqstan Halyq banki aiasyndaǵy «Halyq» qaiyrymdylyq qory «Basty botanikalyq baǵynyń damý qory» qoǵamdyq qorymen jáne «Brodvei» kinoportalymen birigip uiymdastyryp otyr.
Ashyq aspan astynda kórsetiletin alǵashqy film - «Biznes po-kazahski» otandyq komediiasy. Kartina prodiýser Nurlan Qoianbaevqa da, rejisser Jeńishan Momyshev úshin de debiýtti boldy. Siýjet boiynsha qala syrtyndaǵy qonaq úidiń iesi Jomarttyń oqiǵalary baiandalady. Sheteldik investorlarmen kezdesýdiń aldynda qonaq úidiń barlyq qyzmetkerleri jumystan shyǵyp ketedi. Kásipker osylaisha qiyn jaǵdaida qalady. Jomart kóp oilanbai, aýyldaǵy týystarynyń kómegine júginedi.
Komediiada Jan Baijanbaev, Gúlnaz Jolanova, Quralai Anarbekova, Nurlan Qoianbaev, sondai-aq tanymal úndi akteri Siddharth Shýkla oinaidy.
«Biznes po-kazahski» filminiń kórsetilimi saǵat 19:00-de bastalady. Kirý tegin.
