Foto: Almaty ákimdigi
Almaty Ońtústik Koreiadaǵy eń tanymal telejobalardyń biri milliondaǵan kórermeni bar SBS arnasynyń «Meniń kishkentai boidaq jigitim» teleshoýynyń túsirilim alańyna ainaldy, dep habarlaidy Ult.kz.
Túsirilimge áigili korei akterleri Pe Chon Nam, Li Son Min, Kim Son Giýn jáne Kim Chon Sý qatysty. Jobanyń kadrlary Kóktóbede, Shymbulaqta, Medeýde, Kók bazarda, Kólsai kólderinde jáne Almatynyń ózge de kórikti nysandarynda túsirildi. Baǵdarlama 2026 jyly aqpan aiynyń basyna SBS telearnasynan efirge shyǵady dep josparlanǵan.
Jobanyń rejisser-operatory Almatynyń ózine erekshe áser qaldyrǵanyn atap ótti. Onyń aitýynsha, qalalyq orta men tabiǵattyń úilesimi, taza aýa men ádemi kórinisi Almatyny ózge týristik baǵyttardan ereksheleidi.
