Almatyda áýejaidan Tuńǵysh Prezident saiabaǵyna deiin avtobýs jolaǵy, trotýarlar men jańa velojoldar salynady. Bul qalalyq josparlaý jáne ýrbanistika basqarmasynyń basshysy Almashan Ahmetjanov «Almatyny damytý – 2021: kóriktendirý jáne kógaldandyrý jobalary» onlain-tanystyrylymy kezinde málim etti, dep habarlaidy QazAqparat.
Almashan Ahmedjanovtyń aitýynsha, dizainerler ár túrli nusqalardy qarastyrǵan. Sonymen qatar, qalanyń sipaty onyń kóshelerimen jáne qoǵamdyq oryndarymen aiqyndalady. Qala turǵyndar úshin de, týrister úshin de tartymdy ári yńǵaily bolýy kerek. Nátijesinde jaiaý júrginshiler jolyn, avtobýs jolaǵyn, velojoldar men kópirler salý týraly sheshim qabyldandy.
Jańa infraqurlym Beiimbet Mailin, Buqtyrma kósheleri, Qulja, Shyǵys ainalma tas joly men ál-Farabi dańǵylynda paida bolady.
«Bul kóshelerdiń ózindik tarihy bar. Bir kezderi bizde Shyǵys ainalma tas joly bolmaǵan. Al, Buqtyrma kóshesi qalanyń syrtynda ornalasqan edi, Qazir ol qala shekarasyna kirdi. Jalpy, búginde bizde qalanyń soltústik-shyǵys bóligin bailanystyratyn óte jaqsy eki magistral bar. Ol áýejai qalanyń ońtústik-batys bóligi jáne «Orbita» yqshamaýdany, Tuńǵysh Prezident saiabaǵy», - dedi ol.
