Almatyda Medeý aýdanynda taǵy da dala órtenip jatyr. Bul joly jalyn Medeý men Shymbulaqqa baratyn joldy sharpydy, dep habarlaidy QazAqparat.
«Gorelnik lageriniń janyndaǵy qurǵaq shi órtenip jatyr. Oqiǵa ornyna arnaiy tehnika órt sóndirý jasaǵy, qutqarýshylar attandy», - delingen qalalyq TJD taratqan habarlamada.
Aita ketý kerek, 11 tamyzda Kóktóbe bókterinde qurǵaq shi órtengen bolatyn. Ony sóndirýge birneshe tikushaq jumyldyryldy.
Oqiǵa bolǵan jerge kóp uzatpai Almaty ákimi Baqytjan Saǵyntaev bardy.
Keiin arada birneshe minýt ótken soń sol aimaqqa jaqyn jerde taǵy bir órt tutandy. Bul joly tilsiz jaý Divaev kóshesine jaqyn boldy.
Qyzyl jalyn 1000 sharshy metr aýmaqty jalmaǵan. Sol jerden órt sóndirýshiler bir adamnyń denesin taýyp aldy.
