Almatyda taǵy bir áiel kópqabatty turǵyn úidiń 5-shi qabatynan sekirip ketti. Qaiǵyly oqiǵa Jetisý yqsham aýdanynda boldy, dep habarlaidy QazAqparat.
Almaty qalasy politsiia departamentinde málimdegendei, 1995 jyly týǵan T. esimdi áiel turǵyn úidiń besinshi qabatynan sekirgen. Áiel tiri, qazir ol aýrýhanaǵa jatqyzyldy.
Oqiǵanyń mán-jaiyn anyqtaý barysynda áieldiń ýlaný úshin dári-dármekter ishkeni anyqtaldy. Onyń bul jaǵdaiǵa barý sebebi erli-zaiyptylar arasyndaǵy ajyrasý protsesi bolýy múmkin.
«Oqiǵanyń tolyq derekteri anyqtalýda. Atalǵan fakti QR QK-nyń 105-baby boiynsha sotqa deiingi tergep-tekserýdiń biryńǵai tiziliminde tirkeldi», - dedi politsiia departamenti.
Al Qoǵamdyq densaýlyq saqtaý basqarmasynda áieldiń jaǵdaiy turaqty aýyr ekenin málimdedi.
