Almatyda skýter, moped, velosiped, samokattyń qatysýymen bolatyn jol-kólik oqiǵalaryn azaitý maqsatynda politsiia júrgizýshilermen profilaktikalyq jumystar júrgizýde, dep habarlaidy "Ult aqparat".
Áleýmettik jelide moped júrgizýshisiniń politsiia qyzmetkerimen sóz talastyryp jatqan videosy paida boldy.
Almaty qalalyq Politsiia departamenti baspasóz qyzmetiniń málimetinshe, qazirgi kezde politsiia qyzmetkerleri skýter, moped, samokat jáne velosiped júrgizýshilerimen profilaktikalyq jumystar júrgizýde.
«Ókinishke orai, sońǵy kezde Almaty kóshelerinde joǵaryda atalǵan kólikterdiń qatysýymen bolatyn apattary jiilep ketti. Ásirese, kýrerlik jetkizý qyzmeti ókilderiniń áreketinen bolatyn jazataiym oqiǵalar kóp. Osyndai oqiǵalardyń birinde jas jigit qaza tapty. Bul dabyl qaǵýǵa jáne eki dóńgelekti kólik júrgizýshilerin jaýapkershilikke shaqyrýǵa sebep. Jedel jáne aldyn alý sharalary jalǵasady»,- dep atap ótti politsiiadaǵylar.
Sonymen qatar, politsiia erejege sáikes, eger mopedtiń qozǵaltqysh kólemi 50 tekshe metrden assa, onda ol kólik retinde politsiiada tirkelýi kerek jáne júrgizýshiniń tiisti sanattaǵy kýáligi bolýy shart ekenin atap ótti.
«Keshe, 15 sáýirde osyndai mopedtiń biri ustaldy. Qozǵaltqysh kólemi - 150 tekshe metr. Júrgizýshiniń kýáligi men memlekettik nómiri joq. Búgin, 16 naýryzda, tańerteń dál sondai jaǵdai basqa júrgizýshi tarapynan qaitalandy. Eki júrgizýshige de ákimshilik hattama toltyryldy. Mopedtter aiyppul turaǵyna qoiyldy», - dep tolyqtyrdy departament ókilderi.
