Foto: uiymdastyrýshylardan
Almatyda orfandyq (sirek kezdesetin) aýrýlary bar qazaqstandyqtardyń ómirine arnalǵan «Sirek adamdar» derekti filminiń tusaýkeseri ótti. Týyndyny rejisser Qanat Beisekeevtiń prodakshn-stýdiiasy túsirgen, dep habarlaidy Ult.kz.
Joba «Takeda Kazahstan» kompaniiasynyń qoldaýymen korporativtik áleýmettik jaýapkershilik aiasynda júzege asyryldy. Film sirek diagnozben ómir súretin adamdardyń taǵdyry, olardyń kúresi men qoǵam tarapynan qoldaýdyń mańyzy týraly baiandaidy.
Kartinada II tipti mýkopolisaharidozben ómir súretin Samat Ramazanov, gemofiliiasy bar balanyń anasy, tuqym qýalaityn angionevrotikalyq isiný dertine shaldyqqan áiel jáne miasteniiasy bar mýzykanttyń oqiǵalary kórsetilgen. Sondai-aq Kron aýrýymen kúresken Ardaq Dýsmanbetovtiń áserli tarihy qamtylǵan.
Resmi derekterge sáikes, Qazaqstanda sirek kezdesetin aýrýlary bar shamamen 87 myń patsient dáriger baqylaýynda, onyń 21 myńy — balalar. Film avtorlary bul joba qoǵam nazaryn orfandyq aýrýlar máselesine aýdaryp, túsinistik pen qoldaý mádenietin qalyptastyrýǵa yqpal etedi dep úmittenedi.
