Almatyda ataýly áleýmettik kómek alýǵa azamattardan ótinish qabyldaý shilde aiynda bastalady, dep habarlaidy QazAqparat.
«2020 jyldyń shildesinde Almatyda azamattardyń AÁK boiynsha ótinishterin qabyldaý bastalady (2020 jyldyń maýsym aiyndaǵy zeinetaqy jarnalaryn eskere otyryp). Ataýly áleýmettik kómekti taǵaiyndaý úshin turǵylyqty jeri boiynsha 6 aidan kem emes turaqty nemese ýaqytsha tirkeý, al qujat tapsyrǵan kezde ótinish jáne sáikestendirý úshin jeke kýálik berý qajet»,– dep habarlady Almaty qalasynyń jumyspen qamtý ortalyǵy.
AÁK qai kúni ótinish berilgenine qaramastan sol aidan bastap taǵaiyndalady. Mysaly, ótinish 15 qańtarda nemese aidyń sońǵy kúni berilse, onda tólem tolyq aiǵa tólenedi.
«Memleket eńbekke qabiletti azamattarǵa jumys tabýǵa kómektesedi. Azamatqa nemese otbasyna ataýly áleýmettik kómek taǵaiyndaýda eńbekke qabiletti otbasy múshesine jumys usynylady. Ol kelisimin bergen jaǵdaida áleýmettik kelisimshartqa qol qoiylyp, AÁK tólenedi. Alaida, eńbekke qabiletti azamat jumysqa shyǵýdan bas tartsa, ýákiletti organ ataýly áleýmettik kómek tóleýdi toqtatý týraly sheshim qabyldaidy»,– delingen habarlamada.
AÁK taǵaiyndaý týraly ótinishti onlain rejimde Egov.kz elektrondy úkimet portalynda jáne Almaty qalasy áleýmettik ál-aýqat basqarmasynyń 8 aýdandyq bóliminde berýge bolady.
Almaty qalasy áleýmettik ál-aýqat basqarmasy aýdandyq bólimderiniń bailanys telefondary:
Almaly aýdany – Seifýllin dańǵyly 577, Janar Kárimjanova 8 747 849 00 23
Alataý aýdany – «Nurkent» yqshamaýdany 5/25, Aqerke Qurmanǵali. 8 778 920 79 93
Áýezov aýdany – 3shaǵyn aýdany, 41, Oljas Musa 8 707 189 89 94
Bostandyq aýdany – Jandosov k-si, 2, Dáýren Nurǵaliev 8701 108 80 99
Jetisý aýdany – Maqataev k-si, 142, Arman Amantai 8707 788 58 45
Medeý aýdany – Tóle bi k-si, 12, Ulan Temirbek 8 708 283 16 93
Naýryzbai aýdany – «Shuǵyla» yqshamaýdany 347, Zere Ysqaqova 8778 462 49 64
Túrksib aýdany – Rihard Zorge k-si, 18, Tolqyn Ábdirahmanova 8 707 566 14 74
