Almatyda sel júrý qaýpi bar degen Naýryzbai aýdanyn aýyzsýmen qamtamasyz etý qalpyna keltirildi, dep habarlaidy QazAqparat.
«22 tamyzda Naýryzbai aýdanyndaǵy Quramys, Taýsamaly jáne Qarǵaly yqshamaýdandarynyń turǵyndary úshin sýyq sý qaita berildi. Qarǵaly ózenindegi sý tazardy. Bul súzgi stantsiiasynyń jumysyn qaita qalpyna keltirýge múmkindik berdi. Qazirgi ýaqytta sýdy tazartýdyń barlyq kesheni jumys jasaýda. Sýdy zalalsyzdandyrý, sý qabyldaý qondyrǵylary retke keltirilýde», - delingen «Almaty Sý» habarlamasynda
Kommýnaldyq qyzmet qosymsha ózen arnasyn, súzgilerdi, tundyrǵyshty jáne sýmen jabdyqtaý jelilerin tazartý boiynsha jumystar júrgizdi. Aýyz sý barlyq tutynýshylarǵa keshke deiin jetedi. Qazir qysymdy synaý jáne sý qysymyn retteý júrgizilýde.
«Sý toqtatylǵan ýaqyttan bastap «Almaty Sý» kásiporny aýdandaǵy sý eseptegishteri joq tutynýshylarǵa tólem jasaý úshin, qaita eseptep beredi», - dedikompaniia.
Eske salsaq, Almatyda sel júrý qaýpinen keiin úsh shaǵyn aýdan aýyzsýsyz qalǵan edi.
