Qarǵaly bógeti aýdanyndaǵy sel halyqqa qaýip tóndirmeidi, dep habarlady qutqarýshylar. Jaqyn mańdaǵy aýyldarda qaýipsizdik maqsatynda jaryq pen gaz ýaqytsha sóndirilgen.
Tótenshe jaǵdai bolǵan jerge Almaty qalasynyń tótenshe jaǵdailar departamenti bastyǵy Serik Áýbákirov bardy.
"Naýryzbai aýdanynda 2019 jyldyń 14 tamyzynda sel júrdi. Halyqqa aldyn ala eskertip úlgerdik", - dep habarlady Almaty ákimdigi tótenshe jaǵdailar departamentine silteme jasap.
Vedomstvo atap ótkendei, qazir tótenshe jaǵdai bolǵan jerge jaqyn ornalasqan aýyldardan turǵyndar kóshirilip jatyr.
"Almaty qalasy tótenshe jaǵdailar departamenti Qarǵaly ózeniniń tómengi jaǵynda ornalasqan Áýezov jáne Alataý aýdany turǵyndaryn habarlandyrdy. Qalanyń barlyq qyzmeti jumysqa kiristi, jaqyn mańdaǵy eldi mekenderge qaýip joq", - delingen habarlamada.
Tótenshe jaǵdailar departamentiniń málimetinshe, qala biligi evakýatsiialyq beketter uiymdastyrǵan: Jandosov jáne Rysqulov kósheleri qiylysynda burynǵy ákimdik janyndaǵy №175 mektep pen Jandosov jáne Iassaýi kósheleri qiylysynda ornalasqan №158 mektep.
