Almaty turǵyndary úshin sel qaýpi seiildi. Qarǵaly ózeniniń arnasynda sý shtattyq rejimde aǵyp jatyr, dep habarlaidy QR IIM Tótenshe jaǵdailar komitetiniń baspasóz qyzmeti.
Sońǵy áýe barlaý nátijesi boiynsha №1 muz kólinde sý deńgeii 6-7 metrge tómendegeni anyqtaldy. 20-25 myń tekshe metr sý aǵyzylǵan.
«Qazseldenqorǵaý» MK mamandarynyń aitýynsha, bul sý basýdy tasqyn dep qarastyrýǵa bolmaidy. Óitkeni, tas, qum, lai bolǵan joq. Sýdyń lailylyǵy tómendep keledi. Naýryzbai, Alataý, Áýezov aýdandarynda baqylaý men qaýipsizdik sharalary úshin arnaiy jumyskerler men tehnika kúzetke turady», - dedi TJK baspasóz qyzmeti.
Qarǵaly ózeniniń aǵyny shtattyq rejimge kóshti. Plotina aimaǵynda ahýaldy «Qazseldenqorǵaý» MK mamandary baqylap otyr. Bógetten tómen Alataý aýdanyna deiin TJD mamandarynyń qaraýynda.
Aýlalardy, kóshelerdi sý basý jaǵdailary tirkelmedi.
