Foto: video skrinshot
Almatyda politsiianyń patrýldik kóligi moped júrgizýshisin soǵyp ketti, dep habarlaidy «Ult aqparat» inbusiness.kz-ke silteme jasap.
Videoda patrýl kóligi solǵa burylyp, manevr jasaý kezinde avtobýs jolaǵynda kele jatqan mopedistti qaǵyp ketken. Politsiia departamenti bul jol-kólik oqiǵasy Almatynyń Jetisý aýdanynda bolǵanyn habarlady.
"Patrýldik politsiia ekipajy shuǵyl shaqyrýǵa bara jatqanda, qatań túrde belgilengen erejelerge sáikes burylý manevrin jasady. Bul rette jaryq-signaldy qondyryǵysy qosylǵan. Jol qozǵalysyna qatysýshylar politsiia kóligine basymdyq berdi. Alaida, qoǵamdyq kólikke arnalǵan jolaqpen júrip kele jatqan moped júrgizýshisi Zańnyń talaptaryn elemei, patrýldik mashinamen soqtyǵysýǵa jol berdi. Ol meditsinalyq kómekten bas tartty", - dep habarlady politsiia.
Jol-kólik oqiǵasy deregi tirkeldi. Chevrolet patrýldik kóliginiń júrgizýshisi jaýapkershilikke tartyldy. Óndiristik materialdar sotqa jiberiledi.
