Almatyda koronavirýs bastalǵaly beri 2 990 naýqas kóz jumdy. Bul týraly qalalyq qoǵamdyq densaýlyq saqtaý basqarmasynyń bastyǵy Nariman Tabynbaev Ortalyq kommýnikatsilar qyzmetinde ótken brifingte málim etti, dep habarlaidy QazAqparat.
«Ókinishke qarai, megapoliste pandemiia bastalǵaly beri 2 990 naýqas kóz jumdy. Onyń ishinde koronavirýs juqtyrǵandar men pnevmoniiamen aýyrǵan naýqastar bar»,- deidi Almatynyń bas dárigeri.
Sońǵy bir táýlikte qalada 423 adam koronavirýs juqtyrǵan.
Munyń ishinde simptomdy, jeńil jáne ortasha deńgeidegi belgilermen – 394, simptomsyz – 29 naýqas tirkeldi.
Búgingi kúni infektsiialyq statsionarlarda 1 477 adam bar (tósek-orynnyń jalpy sany –3 179), onyń ishinde 56 bala emdelip jatyr.
Meditsinalyq-sanitariialyq alǵashqy kómek mobildi brigadalarynyń jáne Telemeditsina ortalyǵynyń ambýlatoriialyq baqylaýynda 3 433 patsient bar.
