Almatylyq politseiler kópirden sekirip ólmek bolǵan áieldi ajaldan arashalap qaldy. Oqiǵa búgin 16 sáýir tańǵy saǵat 7-ler shamasynda bolǵan, dep habarlaidy "Ult aqparat".
Kópirdiń ústinde otyrǵan almatylyqtyń videosy áleýmettik jelide tarady.
Almaty qalalyq Politsiia departamentiniń málimetinshe, oqiǵa búgin tańǵy saǵat 6:49-da bolǵan.
«102» pýltine qońyraý shalǵan kýáger, Abai dańǵyly men Shaliapin kóshesi arasyndaǵy jaiaý júrginshiler kópiriniń tóbesine jas qyzdyń shyǵyp alyp, ózin-ózi óltirmek bolǵanyn aitty. Oqiǵa ornyna jedel patrýldik politsiianyń birneshe ekipajy dereý jetti. Nátijesinde, qyz aman-esen qutqaryldy. Belgili bolǵanyndai 1996 jyly týǵan jas kelishektiń mundai qadamǵa barýyna otbasynda shyqqan janjal sebep bolǵan.Ol joldasymen renjisip qalypty. Qýanyshymyzǵa orai, qaiǵyly jaǵdai oryn alǵan joq, biz ony toqtata aldyq», - dep habarlady politsiiadan.
