Almatyda balalar oiyn alańynda bir áiel balany soqqyǵa jyqty, dep habarlaidy "Ult aqparat".
Oqiǵa 6 shilde kúni Almaty qalasy Bostandyq aýdanyndaǵy «Naýryz» turǵyn úi kesheniniń aýlasynda bolǵan.
«Oiyn alańynda 1980 jyly týǵan áiel 8 jasar balany uryp tastady. Ol onyń qabyrǵasynan, basynan, keýdesinen uryp, býyndyrdy. Kórshileri áreń ajyratty. Sodan keiin ol balany qorǵaǵan áielderge tap berdi», - dep jazdy Facebook qoldanýshysy Janna Ahmetova.
Politsiia departamenti atalǵan derektiń tirkelgenin málim etti.
«Bul másele nazarda. Barlyq qatysýshylar búgin shaqyrylady. Tiisti saraptamalar taǵaiyndalady, olardyń nátijesi boiynsha sharalar qabyldanady», - dedi Bostandyq aýdandyq politsiia basqarmasynyń bastyǵy Dýman Aýhadiev.
