29 shildede Almaty qalasy boiynsha «Qazaqstannyń úzdik taýary» óńirlik kórme-baiqaýy óz jumysyn bastady. Qatysýǵa 100-ge jýyq almatylyq kompaniia ótinim berdi.
Óńirlik kórme-baiqaý: «Óndiristik maqsattaǵy úzdik taýarlar», «Halyqqa arnalǵan úzdik taýarlar», «Úzdik azyq-túlik taýarlary» úsh nominatsiia boiynsha ótedi. Ár nominatsiiada úsh jeńimpaz anyqtalady. Sharaǵa Almaty qalasynyń ákimdigi, elshilikter men konsýldyqtar, memlekettik organdar, bilim berý uiymdary, qoǵamdyq uiymdard ókilderi qatysyp jatyr.
«Búgin biz Almaty biznesi úshin aitýly sharaǵa jinaldyq. Búgingi kórme «Qazaqstanda jasalǵan» óndiristiń, tutastai ekonomika damýynyń naqty kórsetkishi. Otandyq óndiris tóńireginde kóp syn aitylady. Tipti jergilikti óndiris joq deitinder bar. Meniń aitarym, óndiris salasy jyldan jylǵa ósip, damyp keledi. Osy bastamalardy palata, memleket, qoǵam retinde birlesip, qoldaý kórsetip qana ilgerilete alamyz. Árkez, múmkindiginshe otandyq ónimdi tańdaiyq! Barlyq qatysýshyǵa sáttilik tileimin», – dep atap ótti ashylý saltanatynda Almaty qalasy kásipkerler palatasynyń direktory Aitýar Qoshmambetov.
Kórmege qatysyp jatqan almatylyq óndirýshiler saýda, qyzmet kórsetý, mashina jasaý, metallýrgiia, tamaq ónerkásibi, jeńil ónerkásip salalarynda eńbek etedi.
«Kásipkerlik – aýyr jol. Kásipkerler – bizdiń qyzmetkerlerge jumys beretin, bizdiń memleketke salyq tóleitin, búkil álemge tanymal qazaqstandyq ónimdi shyǵaratyn adamdar. Búgin osy «Qazaqstannyń úzdik taýary» kórmesinde almatylyq úzdik taýar óndirýshiler usynylatyn bolady. Qazaqstandyq óndirýshilerdiń nátijeleri barshamazdy shabyttandyrsyn», – dep atap ótti Almaty qalasy ÓKP Óńirlik keńesiniń tóraǵasy Maksim Baryshev.
Almatyda 2022 jylǵy 1 qańtardaǵy jaǵdai boiynsha tirkelgen shaǵyn jáne orta kásipkerlik sýbektileriniń sany 295 861 birlikti qurady. 2022 jylǵy qańtar-naýryzda ótken jyldyń tiisti ezeńimen salystyrǵanda ónim shyǵarý (salystyrmaly baǵalarda) 28,5%-ǵa ulǵaidy, jumyspen qamtylǵandar sany 17,4%-ǵa ósti jáne jumys istep turǵan sýbektilerdiń sany 2022 jylǵy 1 sáýirde 10,6%-ǵa ósti.
2022 jylǵy qańtar-naýryzda shaǵyn jáne orta kásipkerlik sýbektileriniń ónim shyǵarýy 2854,6 mlrd.teńgeni qurady. ShOK sýbektileriniń jalpy sanynda jeke kásipkerlerdiń úlesi 61%, shaǵyn kásipkerliktiń zańdy tulǵalary 38,1%, orta kásipkerliktiń zańdy tulǵalary 0,3%, sharýa nemese fermer qojalyqtary 0,6% qurady.
«Qazirgi naryqtyq jaǵdaida árbir kompaniia úshin brend retinde qalyptasý asa mańyzdy. Brendti ilgeriletý úshin kóptegen múmkindikter bar, olardy kóp kompaniia jaqsy paidalanyp, damyp jatyr. Biraq, eger kompaniia jańa jáne ázirge belgisiz bolsa, «Qazaqstannyń úzdik taýary» kórme-baiqaýy siiaqty alańdar damý, jetilý, tanylý úshin jaqsy múmkindik beredi. Baiqaýǵa qatysa otyryp, kompaniia damýdyń jańa kezeńine shyǵady, baiqaý talaptaryna sáikes sapa standarttaryna sáikestigin rastaidy, óz ónimin otandyq taýar óndirýshilerdiń úlken kórmesinde usynýǵa múmkindik alady. Baiqaýlardyń maqsaty – eń aldymen qazaqstandyq kompaniialarǵa jergilikti qamtý úlesin arttyrýǵa kómektesý», – dedi Aitýar Qoshmambetov.
Búgin kórme aiasynda almatylyq sán salasyndaǵy dizainerler sán sherýin ótkizdi. Qonaqtar arasynda syilyqtar utysy oinatyldy. Almatyda «Qazaqstannyń úzdik taýary» óńirlik kórme-baiqaýy 29,30,31 shilde ótedi.
30 shildede KASE birja qory, «Damý» káchipkerlikti damytý» qorynyń ókilderi káchipkerlerge arnalǵan qoldaý, memlekettik baǵdarlamalar jaiynda aqparat berip, sheberlik sabaqtaryn ótkizedi. Qonaqtar arasynda syilyq utysy oinatylady.
Al 31 shilde kórme-baiqaýdyń jeńimpazdary anyqtalyp, marapattaý rásimi uiymdastyrylady. Óńirlik irikteý jeńimpazdary elordada Qazaqstan Respýblikasy Prezidentiniń qatysýymen ótetin respýblikalyq baiqaýǵa joldama alady. Kórmeniń sońǵy kúni kontserttik baǵdarlama uiymdastyrlady. Kesh qonaǵy – ánshi Aiqyn Tólepbergen.
