Almaty qalasynyń bas memlekettik sanitar dárigeri Jandarbek Bekshin jańa oqý jyly bastalǵaly 89 oqýshy virýs juqtyrǵanyn aitty, dep habarlaidy "Ult aqparat" QazAqparat agenttigine silteme jasap
Spikerdiń sózinshe, oqýshylar 1 qyrkúiekke deiin de aýyrǵan, qazir de aýyryp jatyr. Sabaq bastalǵanǵa deiin bir táýlikte 160 oqýshydan virýs anyqtalǵan kezder boldy.
«Qazir oqýshylar arasynda virýs juqtyrý jaǵdaiy tómendedi.Oqý jyly bastalǵaly mektepke baryp bilim alǵan 89 baladan virýs anyqtaldy. Olar bilim alǵan synyptyń barlyǵy karantinge jabyldy, iaǵni oqýshylar onlain rejimde bilim alyp jatyr. Oqýshylar virýsty mektep qabyrǵasynda emes, otbasynda juqtyrǵan. Sondyqtan ata-ana qaýipsizdik talaptaryn saqtaný qajet», - dedi Jandarbek Bekshin.
Bas dárigerdiń aitýynsha, buǵan jol bermeý úshin otbasynda virýs juqtarǵan týystar oqshaýlanýy kerek jáne olarmen balanyń bailanysyn shekteý kerek. Eger úi-jaiynda oqshaýlaný múmkin bolmasa, onda aýrǵan adamdy meditsinalyq mekemelerge karantinge jiberýge bolady.
