Foto: pexels
Almaty qalasynda 5 mamyrda shamamen saǵat 18:00-den bastap 6 sáýir tańǵa deiin jańbyr jaýady dep boljanyp otyr, dep habarlaidy «Ult aqparat» qala ákimdiginiń baspasóz qyzmetine silteme jasap.
Qala ákimdiginiń málimetine, jaýyn-shashyn kezinde sý tasqyny bolýy múmkin. Sondyqtan tasqynnyń aldyn alý jáne joiý úshin 52 jedel mobildi brigada kezekshiligi uiymdastyrylady.
"1,9 myń qap qum daiyndaldy. Jaýyn-shashyn kezinde barlyǵy 318 birlik arnaiy tehnika men 1200 jumysshy jumyldyrylady.Qazirgi ýaqytta 320 jumysshy men 92 birlik arnaiy tehnikanyń kúshimen aryq jelilerin, aryq ótkelderin jáne kezdeisoq qoqysqa arnalǵan jerlerdi tazartý boiynsha josparly jumystar júrgizilýde", – dep habarlady ákimdikten.
"Qazgidromet" boljamyna súiensek, 5 mamyrda keshke jáne túnde nóser jańbyr jaýady. Ońtústik-batystan 3-8 m/s jyldamdyqpen jel soǵady, kún kúrkiregen kezdegi jeldiń ekpini 15-20 m/s jetedi. Kúndiz aýa temperatýrasy +26...+28°C.
6 mamyr kúni azdap bult bolyp jańbyr jaýady, túnde nóser jańbyr kútiledi. Naizaǵai, burshaq bolýy múmkin.
Soltústik-batystan soǵatyn jeldiń ekpini 3-8 m/s, naizaǵai kezinde 15-20 m/s jetedi. Aýa temperatýrasy túnde + 12...+14°C, kúndiz + 18...+20°C.
