Foto: Tengrinews.kz oqyrmanynan
Almatyda moped júrgizýshisi arbada otyrǵan balany qaǵyp ketti. Oqiǵa saldarynan úsh jasar qyz zardap shekken. Dárigerler onyń jaǵdaiy týraly aitty, - dep habarlaidy Tengrinews.kz saity.
Qalalyq qoǵamdyq densaýlyq saqtaý basqarmasy málimetinshe, 2020 jyly týǵan bala 1 qarashada Almaty qalalyq Balalarǵa shuǵyl meditsinalyq kómek kórsetý ortalyǵyna jedel járdem brigadasymen jetkizilgen.
"Bala bas-mi jaraqaty diagnozymen neirohirýrgiia bólimine jatqyzyldy. Miy shaiqalǵan. Sol jaq samai aimaǵy, sol jaq mańdai-jaq aimaǵy kógergen.
Qazirgi ýaqytta balanyń jaǵdaiy ortasha aýyr, turaqty", - delingen habarlamada.
Eske salaiyq, jol apaty 1 qarashada keshke Sátbaev pen Brýsilovskii kósheleriniń qiylysynda bolǵan. Velosiped jolymen kele jatqan moped júrgizýshisi balalar arbasyn qaǵyp ketken.
