Almaty monitoring toby «Royal Tulip» qonaqúi kesheni aýmaǵyndaǵy «Black star burger» meiramhanalar jelisi ókilderiniń karantindi buzǵanyn anyqtady, dep habarlaidy "Ult aqparat".
«Medeý aýdanynyń monitoring toby 8 tamyzda «Royal Tulip» qonaqúi kesheniniń aýmaǵynda karantin talaptarynyń buzylǵanyn anyqtady. Onda «Black star burger» ókilderi merekelik shara ótkizgen. Qonaqúi kesheni men «Black star burger» ókilderinen túsinikteme alyndy. Materialdar aýdandyq sanitarlyq-epidemiologiialyq baqylaý basqarmasyna berildi», - dep habarlady Medeý aýdandyq ákimdiginen.
Almaty qalalyq sanitarlyq-epidemiologiialyq baqylaý departamenti basshysynyń orynbasary Sádýaqas Baiǵabylov monitoring tobynyń materialdary boiynsha jaýapty tulǵalar ákimshilik jaýapqa tartylatynyn atap ótti.
Kompaniianyń Instagram paraqshasynan bul is-sharaǵa Qazaqstannyń tanymal blogerleri men ártisteri jinalǵanyn kórýge bolady.
Eske salaiyq, Almaty koronavirýstan «qoiý qyzyl» aimaqta. Bas sandárigerdiń qaýlysyna sáikes, qalada kópshilik jinalatyn sharalar ótkizýge tyiym salynǵan.
