Almatyda inisimen birge vaktsina pasportyn satýmen ainalysqan medbike ustaldy, dep habarlaidy "Ult aqparat".
Almaty qalalyq Politsiia departamentiniń málimetinshe, týystardyń zańsyz áreketterin kriminaldyq politsiia qyzmetkerleri jedel jáne arnaiy is-shara barysynda anyqtady.
«Bizdiń nazarymyzǵa birinshi bolyp 22 jastaǵy A. esimdi azamat ilikti, ol uiymdastyrý jumystaryn júrgizgen. Iaǵni áleýetti klientter taýyp, kelissózder júrgizip, tólemdi elektrondy aýdarymdar arqyly qabyldaǵan. Al tehnikalyq jaǵyn qaladaǵy emhanalardyń birinde medbike bolyp jumys isteitin ápkesi óz moinyna alǵan. 25 jastaǵy M. esimdi azamat óz kezeginde KVI-ge qarsy egilgenderdiń málimetter bazasyna «klientterdiń» derekterin engizdi. Biz is júrgizý tártibimen M. esimdi azamattyń jumys ornynda ruqsatty izdeý júrgizdik. QR QK-niń 385-baby boiynsha sotqa deiingi tergeýdiń biryńǵai reestrinde tirkelgen qylmystyq is materialdaryna, keńse tehnikasyn jáne profilaktikalyq egýlerdi tirkeý qujattamasyn tirkedik jáne tárkiledik», – dep habarlady Almaty qalalyq Politsiia departamentiniń Kriminaldyq politsiia basqarmasynyń bastyǵy Qýatbek Naýatov.
Eki aiyptalýshy da qylmystyq jaýapqa tartyldy.
Tergeýdi Almaty qalasy PD Anyqtaý basqarmasy júrgizip jatyr.
