Almatyda kvadrotsikldegi balalardy qaǵyp ketken júrgizýshi sottaldy, dep habarlaidy "Ult aqparat".
Almaty qalalyq Politsiia departamentiniń málimetinshe, jol-kólik oqiǵasy 2020 jyly 25 shilde kúni «Alataý» yqshamaýdanynda boldy.
«Toyota Camry» kóliginiń júrgizýshi A. Arystanov «Almaty-Kókpek-Kóktal-Alataý» tas joly boiymen batys baǵytta júrip kele jatyp shamamen 20:55-te jol erejesin buzdy. Ol aýa raiynyń qolaisyzdyǵyna mán bermedi. Qajetti qozǵalys jyldamdyǵyn tańdamady. Iaǵni, «Alataý» shaǵynaýdanynan batysqa qarai 134 metrde, jol qozǵalysy erejesiniń 8.1, 11.1 tarmaqtarynyń talaptaryn eskermei, qaýipti manevr jasap, qarsy jolaqta kele jatqan tórt dóńgelekti kvadrotsiklmen soqtyǵysty. Nátijiesinde kvadrotsikl júrgizýshisi 16 jastaǵy jasóspirim aýrýhanada alǵan jaraqattarynan kóz jumdy. Al onyń jolaýshysy tórt jasar qyz aýyr jaraqat aldy», – dedi Almaty qalalyq Politsiia departamenti bastyǵynyń orynbasary Rústem Ábdrahmanov.
Sot sheshimimen A. Arystanov Qazaqstan Respýblikasy Qylmystyq kodeksiniń 345-baby 3-bóliginde kózdelgen qylmysty jasaǵany úshin kináli dep tanyldy. Oǵan 2,6 jylǵa bas bostandyǵynan jáne 4 jyl merzimge kólik quraldaryn basqarý quqyǵynan aiyrý jazasy taǵaiyndaldy.
Ol jazasyn eń tómengi qaýipsizdiktegi qylmystyq sot júiesi mekemelerinde óteidi.
«Úiqamaqqa alý» túrindegi bultartpaý sharasy ózgertilip, A.Arystanov sot zalynda qamaýǵa alyndy.
