Almatyda káriz qudyǵyna túsip ýlanǵan «Almaty Sý» qyzmetkerleri óte aýyr halde jatyr.
Qalalyq Qoǵamdyq densaýlyq saqtaý basqarmasynyń habarlaýynsha, 25 jáne 42 jastaǵy eki adam №7 qalalyq aýrýhanaǵa shuǵyl jetkizilgen.
«Jansaqtaý bóliminde reanimatolog, travmatolog, neirohirýrg mamandar naýqastardy qarap shyqty. Barlyq klinikalyq diagnostikalyq sharalar jasaldy. Olar kúkirt sýtekti gazymen ýlanǵan. Ortalyq júike júiesi zaqymdalǵan. Ýytty entsefalopatiia diagnozy qoiyldy. Ekeýi de komada jatyr. Jasandy tynys alý apparatyna qosylǵan. Tańǵa jaqyn da jaǵdailary ózgermedi»- dedi basqarmadan.
Aita keteiik, osyǵan deiin Almatyda HQO qyzmetikeriniń káriz qudyǵyna túsip, ýlanyp qalǵan eki azamatty qutqarǵanyn jazǵan bolatynbyz.
Kásiporyn bul oqiǵaǵa bailanysty túsinik berdi.
«1 maýsymda «Almaty sý» kásipornynyń qyzmetkerleri kommertsiialyq uiymdardyń sý esepteý quralyn teksermek bolǵan. Qyzmetkerler qatelesip sýdyń emes, káriz júiesiniń qaqpaǵyn ashyp qaraǵan. Sonyń kesirinen gaz býymen ýlanǵan. Qazir kásiporynda qyzmettik tekserý júrip jatyr. Negizinde «Almaty sý» qyzmetkerleri esepteý quraldarynyń kórsetkishin tirkeýmen ǵana ainalysýy tiis. Qudyqtarǵa túsý múlde olardyń mindetine kirmeidi», - dedi «Almaty sý» MKK.
