Megapolistegi krematoriidiń qurylysy 2021 jyldyń qyrkúieginde aiaqtalady. Bul týraly onlain brifing barysynda Almaty qalasy jaily qalalyq orta basqarmasynyń basshysy Sapar Nurashev aitty, dep habarlaidy "Ult aqparat".
Sapar Nurashevtyń sózinshe, salynyp jatqan krematoriide máiit qana emes, sonymen qatar asa qaýipti biologiialyq qaldyqtardy da órteidi. Pandemiia kezinde qoldanylǵan meditsinalyq zattar kóbeigen. Atap aitar bolsaq, meditsinalyq maskalar, kostiýmder, tańǵyshtar, shpritster, PTR analizin alýǵa arnalǵan quraldar jáne taǵy basqalary.
«Qoldanylǵan meditsinalyq qaldyqtardy arnaiy peshterge jaǵý arqyly joiýǵa bolady. Osyǵan bailanysty patoanatomiialyq biýroda krematorii salý týraly sheshim qabyldandy»,- dedi ol.
Kelisimshartqa sáikes, krematorii Almaty qalasy Alataý aýdany Aqyn Sara kóshesiniń soltústiginde, JEO-2 shyǵysyna qarai ornalasqan patologoanatomiialyq biýro janynan (syrtqy injenerlik jelilersiz) salynady.
Qurylystyń aiaqtalý merzimi - 2021 jyldyń qyrkúiek aiy.
Qurylys quny - 1,3 mlrd teńge.
