Almaty ákimi Baqytjan Saǵyntaev monýment qoiylatyn jerge tas ornatýǵa qatysty, dep habarlaidy "Ult aqparat".
Baqytjan Saǵyntaev Instagram paraqshasynda eskertkish meditsina qyzmetkerlerine degen alǵystyń simvolyna ainalatynyn atap ótti.
«Búgin Almatynyń meditsina men jazýshylar qaýymdastyǵynyń ókilderimen dárigerlerge arnalǵan eskertkishtiń negizine tas ornattyq. Eskertkish KVI pandemiiasymen kúresken barlyq meditsina qyzmetkerlerine kórsetilgen qurmet pen alǵystyń belgisi. Sondai-aq olardyń qurmetine qaraǵai alleiasy otyrǵyzyldy» dep jazdy Almaty ákimi Saǵyntaev.
Eskertkish S. D. Asfendiiarov atyndaǵy Qazaq ulttyq meditsinalyq ýniversitetiniń janyndaǵy alleiada ashylady.
Munda 20 qaraǵai kósheti otyrǵyzyldy.
Jiynda Qazaqstan Jazýshylar odaǵynyń tóraǵasy U. Esdáýlet, Almatydaǵy QHA-sy Qoǵamdyq kelisim keńesiniń tóraǵasy A. Shardinov, aqyn A. Elgezek, №7 qalalyq klinikalyq aýrýhananyń dárigeri J. Sheriiazdan eskertkishtiń ashylýyn qoldap sóz sóiledi.
