Almatyda virýs juqtyrǵandardyń sany azaimai otyr. Bul týraly Almaty qalasynyń bas memlekettik sanitar dárigeri Jandarbek Bekshin brifing barysynda aitty, dep habarlaidy "Ult aqparat".
«Almaty qalasynda virýsty syrttan ákelgenderdiń úlesi - 3,7%. Profilaktikalyq tekserý kezinde 783 adamnan virýs tabyldy, ol - barlyq naýqastyń 28,8%. Óz erkimen tekseriske kelgender úlesi - 3,3%, bailanysta bolǵandar – 1842 adam, iaǵni 67,8%. 1647 adam nemese patsientterdiń 60% jazylyp, úiine shyqty», - deidi Jandarbek Bekshin.
Onyń aitýynsha, qazir Almatyda koronavirýs juqtyrǵan 2715 adam bar. Qalada indet juqtyrý faktileri azaimai otyrǵandyqtan karantin sharalary saqtalady.
