Almatyda koronavirýs juqtyrǵan 3 868 naýqas em qabyldap jatyr. Bul týraly qalalyq qoǵamdyq densaýlyq saqtaý basqarmasy málim etti, dep habarlaidy "Ult aqparat".
Búgin tańerteńgi aqparat boiynsha 677 adamnyń koronavirýs juqtyrǵany anyqtaldy. Munyń ishinde 557-i simptomdy, jeńil jáne ortasha deńgeidegi belgilermen, 120 -y simptomsyz aýyrǵan.
«Infektsiialyq statsionarlarda 3 868 adam bar (tósek-orynnyń jalpy sany 6 060), onyń ishinde 101 bala emdelýde. 885 eresek adam aýyr hálde jatyr, 2 983 naýqas ortasha aýyr jaǵdaida em qabyldaýda», – dep naqtylady qoǵamdyq densaýlyq basqarmasynyń baspasóz qyzmeti.
Sondai-aq, reanimatsiia jáne qarqyndy terapiia bóliminde 258 adam jatyr. Al 23 naýqas jasandy tynys alý apparatyna qosylyp, invazivti emes jasandy tynys alý apparatynda 85 adam em qabyldaýdy jalǵastyrýda.
Meditsina-sanitariialyq alǵashqy kómek mobildi brigadalary men telemeditsina ortalyǵynyń ambýlatoriialyq baqylaýynda 6 328 patsient bar. Onyń ishinde 5 522 adamda aýrý belgileri bar, olar ortasha aýyr jaǵdaida. 806 adamda aýrý belgileri joq.
