Almatyda kópqabatty úidiń shatyrynan sekirmek bolǵan er adam qutqaryldy, dep habarlaidy QazAqparat.
Almaty qalalyq politsiia departamentiniń málimetinshe, jergilikti turǵyndar politsiiaǵa «Kókmaisa» yqshamaýdanyndaǵy úilerdiń biriniń shatyrynyń shetinde otyrǵan er adam týraly habar bergen.
«Azamattar maǵan júgingende men ákimshilik bólimimde statsionarlyq politsiia postynda otyrdym. Kórsetilgen úige tez júgirip bardym, sondai-aq patrýldik politsiiadaǵy áriptesterimnen kómek suradym. Men er adammen sóilesip, asyǵys áreket jasamaýǵa kóndirip jatqanda patrýldik politseiler tóbege kóterildi», – deidi Jetisý aýdandyq politsiia basqarmasynyń ýchaskelik inspektory Nurlan Qonysov.
Patrýldik politsiia inspektory Abylaihan Oqasovtyń aitýynsha, oqiǵa ornyna birneshe minýtta jetken.
«Biz oqiǵa ornyna birneshe minýt ishinde jettik. Qai jaǵynan eshkimge bildirmei shatyrǵa shyǵýǵa bolatynyn jergilikti turǵyndar kórsetti. Áriptesimiz ekeýmiz jasyryn túrde dese de bolady, shetine qarai órmelep bardyqta er adamdy sol jerden túsirdik», – dedi ýchaskelik inspektor Abylaihan Oqasov.
Ózine qol jumsamaq bolǵan adam – Shyǵys Qazaqstannyń týmasy.
Ol kúizeliske ushyrap, sýitsidke barý týraly sheshim qabyldaǵan.
