Almatyda Kók bazar mańynda saralanǵan tarif engiziletin bolady, dep habarlaidy "Ult aqparat".
«2021 jyldan bastap № 1501 aimaǵynda saralanǵan tarif iske qosylady. Kókbazardyń mańynda 1 saǵat turaq quny 150 teńge bolmaq. Bul ózgerister tek sol bazar mańyndaǵy 317 turaq ornyna bailanysty», - delingen «Almaty parking» JShS resmi paraqshasynda.
Mundai tarif turaqtardyń tolýyn retteýge septigin tigizedi.
Turaqqa suranys kóp bolǵan saiyn baǵasy qymbat bolady. Bul tásil turaq ornynyń qoljetimdiligin 10-20%-ǵa arttyrady.
Kompaniia ókilderi nelikten Kók bazar mańynda saralanǵan tarif engizilip jatqanyn túsindirdi.
«2020 jyly bazar mańyndaǵy turaqtardyń basqa jerdegi turaqtarmen salystyrǵanda 2 ese kóp ýaqyt alatyny anyqtaldy. Bul jerde 1 orynda kúnine 2,6 kólik turady eken. 2017 jyly kúnine 7 kólik ainalatyn. Qym-qýyt sátterde avtoturaq 100 paiyzǵa paidalanylady. Bul sol jerde turatyn adamdarǵa da yńǵaisyz ári kólik ieleri oryn izdep ainalyp júrgen kezde keptelis týdyrady», - dedi kompaniiadan.
Júrgizilgen taldaýǵa sáikes, turaq aqysynyń kóterilýi bazar kelýshilerine kóp yqpal etpeidi. Sebebi, kelýshiler az ýaqytqa kelip ketedi. Al bazar mańyna bir kúnge kóligin qaldyratyndarǵa bul tiimsiz bolmaq.
Al qalanyń basqa aimaqtarynda turaq aqysy - saǵatyna 100 teńge.
