Almatyda kinoteatrlar, saýda oryndaryndaǵy balalar oinaityn alańdar men fýd-korttar áli ashylmaidy. Bul týraly Almaty qalasynyń bas memlekettik sanitar dárigeri Jandarbek Bekshin málim etti, dep habarlaidy "Ult aqparat".
«Qalada kontsertter men sport jarystaryn ótkizýge áli erte. Qazir balabaqshany ashý jóninde usynystar túsip jatyr, olardy kezeń-kezeńimen ashamyz, ázirge kezekshi toptar jumys istep tur. Iri oiyn-saýyq ortalyqtarynda ornalasqan kinoteatrlar, fitnes ortalyqtary, balalar oinaityn alańdar men fýd-korttyń jumys isteýine tyiym salynady. Ruqsat bermedik. Adamdardy bir jerge jinap, shoǵyrlandyrýǵa bolmaidy»,-deidi Jandarbek Bekshin.
Sonymen qatar, ol qaladaǵy blokpostardy almas buryn qala jáne aýdandyq ákimdiktiń atsalysýymen daiyndyq júrgizgenin aitty. Monitoring tobyna kásipkerler palatasy, ákimdik, politsiia qyzmetkerleri men sanitarlar kirgen.
«Mekemelerdiń jumysyna ruqsat bermes buryn olarǵa túsindirý jumysyn júrgizip, keńes berdik. Tek sodan keiin ǵana qaladaǵy tamaqtaný oryndary men sán salondary ashyldy. Al búginnen bastap azyq-túlik satpaityn bazarlar iske qosyldy. Olardyń bárine aldyn ala talaptar qoiyp, nusqama ázirlep berdik»,– deidi ol.
