Almatyda saiabaqtar men skverlerde kenege qarsy zararsyzdandyrý sharasy bastaldy. Bul týraly qalalyq sanitariialyq-epidemiologiialyq baqylaý departamenti málim etti, dep habarlaidy "Ult aqparat".
Osy shara aiasynda qalanyń 8 aýdany boiynsha 2402,54 gektar jerdi alyp jatqan 9 orman parki, 136 qalalyq saiabaq, skverlerde óńdeý jumystary júrgiziledi.
2021 jylǵy 14 sáýirdegi jaǵdai boiynsha óńdelgen ýchaskelerdiń aýdany 497,630 ga qurady, onyń ishinde:
- Alataý aýdanynyń saiabaqtary men skverleri - 2,930 ga;
- Almaly aýdanynyń saiabaqtary men skverleri - 46,700 ga;
- «Medeý» tabiǵi parkinde 8 ýchaskide - 448,000 ga (óńdeý jalǵasýda).
Dezinfektsiialyq is-sharalardy «Almaty qalasy boiynsha dezinfektsiia ortalyǵy»ShJQ RMK filialy qalanyń sanitarlyq-epidemiologiialyq baqylaý mamandarynyń tikelei baqylaýymen júrgizedi.
Qurylǵan dezbrigadalar qajetti jabdyqtarmen, kólikpen, jeke qorǵanys quraldarymen jabdyqtalǵan.
Kenege qarsy em júrgizý úshin «Tsipermetrin» insektitsid-akaritsidti preparaty paidalanylady.
Óńdeý jumystary tańerteń júrgiziledi. Óńdeýge jatatyn ýchaskilerdiń shekaralarynda «Kenege qarsy óńdeý júrgizilýde!» degen eskertý habarlamasy bar taqtai ornatylady.
Qala turǵyndary kelesi saqtyq sharalaryn saqtaýy kerek:
- kenege qarsy dezinsektsiialyq óńdeý jumystary júrgizilgen jerlerden alshaq júrý kerek;
- jerdegi shashyratqan preparat kepkenge deiin úi janýarlaryn óńdeý jumystary júrgizilgen jerlerge jibermeý kerek;
- óńdeý jumystary júrizilgen jerlerden 40 kún boiy sańyraýqulaq, shóp nemese jidekterdi jinaýǵa jáne paidalanýǵa bolmaidy («Tsipermetrin» prepartynyń qoldaný nusqaýlyǵyna sáikes).
Almaty jáne Almaty oblysynyń irgeles aýmaqtary kene entsefalitiniń tasymaldaýshysy iksod keneleri taralǵan endemiialyq aimaqqa jatady.
