Qala basshysy Baqytjan Saǵyntaevtyń tapsyrmasymen ákimniń orynbasary Erjan Babaqumarov qala mektepteriniń direktorlarymen onlain-keńes ótkizdi, dep habarlaidy "Ult aqparat".
Keńes jumysyna qalalyq bilim basqarmasynyń basshysy Lázzat Jylqybaeva, tsifrlandyrý basqarmasynyń basshysy Baian Qońyrbaev, Almaty qalasy taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Ásel Qalyqova jáne basqalar qatysty.
Keńes barysynda sanitarlyq-epidemiialyq qaýipsizdikti qamtamasyz etý turǵysynan mektep jumysyn taldaý nátijesi qaraldy. Negizinen áleýmettik qashyqtyqty jáne maska rejimin saqtaý, týnnel, sanitaizer, teplovizor, aiaq kiimge arnalǵan kilemshe, bakteritsidti sham sekildi dezinfektsiialyq quraldardyń jetkilikti mólsherimen qamtamasyz etý, bailanyssyz termometriia júrgizý, dezinfektsiialaý jáne jeldetý júiesiniń jumysy kóterildi.
Keńeste qashyqtan bilim berý, bilim platformalaryn paidalaný, internetke qosylý jyldamdyǵy, sondai-aq muqtaj otbasynan shyqqan oqýshylar úshin tegin internet pakettiń kólemi máselelerin qaraýǵa erekshe nazar aýdaryldy.
Eske salaiyq, búginde Almatyda 271 myńnan astam oqýshyny qamtityn 207 memlekettik mektep jáne 16 myńnan astam oqýshyny qamtityn 63 jekemenshik mektep jumys isteidi. Qalanyń 205 memlekettik mektebi oqý jylyn qashyqtan bastady.
«Kólsai» jáne «Sulýsai» shaǵynaýdandarynda ornalasqan eki mektepte oqýshylar sanynyń az bolýyna bailanysty oqý shtattyq rejimde júrip jatyr.
Sonymen qatar, 13 qyrkúiekten bastap 1-4 synyp oqýshylary úshin ata-analardyń ótinishi boiynsha qala mektepterinde kezekshi synyptar uiymdastyryldy.
Búgingi jaǵdai boiynsha kezekshi top oqýshylary men muǵalimder arasynda koronavirýs infektsiiasyn juqtyrý faktileri anyqtalǵan joq.
