Almaty politsiiasy «Mudaraban capital» kompaniiasynyń taǵy eki qyzmetkerin qarjy piramidasyn uiymdastyrdy degen kúdikpen ustady. Bul týraly Almaty politsiiasy basshysynyń orynbasary Rústem Ábdirahmanov málim etti, dep habarlaidy QazAqparat.
«Bul kompaniianyń negizin qalaýshy 1988 jyly týǵan J. esimdi azamat jáne basqarma tóraǵasy qyzmetin atqarǵan 1983 jyly dúniege kelgen R. esimdi azamat. Olar QR Qylmystyq is júrgizý kodeksiniń 128-baby boiynsha ustaldy jáne Almaty qalalyq PD ýaqytsha ustaý izoliatoryna qamaldy», – dedi Almaty qalalyq Politsiia departamenti bastyǵynyń orynbasary Rústem Ábdirahmanov.
Qarjy piramidasyn qurý jáne oǵan jetekshilik etý faktisi boiynsha «Astex.kz» JShS men «ACD technology» JShS laýazymdy tulǵalaryna qatysty qylmystyq isti Almaty Politsiia departamenti osy jyldyń qazanynda azamattardyń ujymdyq aryzy boiynsha tirkedi.
2019 jyldyń aqpanynan 2021 jyldyń qańtaryna deiingi aralyqta atalǵan JShS-niń laýazymdy tulǵalary jeke jáne zańdy tulǵalarmen memlekettik satyp alýǵa qatysý úshin qajet dep boljanatyn qarajatty tartý boiynsha birlesken qyzmet týraly kelisimder jasasqany anyqtaldy.
«Ekijaqty qujatqa sáikes firmalar árbir salymshyǵa salynǵan salym somasynyń 20 paiyzyn ai saiyn tóleýge mindetti bolǵan. «Astex.kz» JShS-ne 162 salymshynyń eki milliard teńgeden astam qarajaty basqa kompaniia – «Mudaraban capital» JShS arqyly túsip otyrǵan. Osy qylmysty jasaǵany úshin barlyǵy 8 kúdikti áshkerelendi, olardyń 6-ýy sottyń sanktsiiasymen qamaýǵa alyndy, 1-ýi izdeýde, taǵy 1-ýi úiqamaqta», – dedi Rústem Ábdirahmanov.
