Almatyda arnaiy operatsiia barysynda politseiler eki er adamnan qarý-jaraq tárkiledi. Bul týraly Almaty qalasy komendatýrasynyń aqparattyq ortalyǵy málim etti, dep habarlaidy QazAqparat.
Komendatýra málimetinshe, eki qarý-jaraq dúkenin tonady degen kúdikpen Jambyl oblysynyń 44 jastaǵy turǵyny men Almaty oblysynan kelgen 24 jastaǵy er adam ustaldy.
Jalǵa alynǵan páterdi tintý kezinde ańshy myltyǵy, patrondar, oqtan qorǵaityn keýdeshe, dúrbi, áskerilendirilgen kiimder, uialy telefondar men kiimder tabylyp, tárkilendi.
Kúdiktiler dúken tonaǵandaryn moiyndady.
«Olar urlaǵan zattardy alyp, qaladan ketýdi josparlaǵandaryn aitty. Ustalǵandardyń kim ekeni jáne jappai tártipsizdikterge, zańsyz áreketterge qatysy bar-joǵy tekserilip jatyr», - dep habarlady komendatýradan.
