Almatyda qala basshysy Erbolat Dosaevtyń qatysýymen jalpyqalalyq senbilik ótti, dep habarlaidy QazAqparat.
Qalalyq ákimdiktiń málimetinshe, aýlalardy, saiabaqtar men skverlerdi, sý qoimalarynyń jaǵalaýlaryn tazalaýǵa 60 myńnan astam turǵyn qatysty.
Ekologiialyq aktsiia barysynda saq qorǵandarynyń aýmaǵynda, Alataý aýdanynyń Qaraǵaily ormanynda, Sairan kóli men Qarǵaly ózeniniń jaǵasynda jappai tal otyrǵyzý júrgizildi. Barlyǵy 5 myńnan astam tal otyrǵyzyldy.
«Senbilik kezinde qalanyń estetikalyq túrin jaqsartý boiynsha jumystar júrgizildi: týrniketter, tirekter, oryndyqtar, ýrnalar syrlandy.
Qoqysty shyǵarý úshin qalanyń kommýnaldyq qyzmetteri men kásiporyndarynyń 502 birlik arnaiy tehnikasy tartyldy.
Qala turǵyndary barlyǵy 10 910 tekshe metr qoqys jinady.
Senbilikke qatysýshylar úshin sýsyndar satý pýnktteri, avtokofeinialar uiymdastyryldy»,- delinedi ákimdiktiń habarlamasynda.
