Almaty qalasy ákiminiń orynbasary Maqsat Qiqymov ipotekalyq turǵyn úi qaryzdaryn/ipotekalyq qaryzdardy qaita qarjylandyrý baǵdarlamasyn oryndaý boiynsha QR Qarjy naryǵyn retteý jáne damytý agenttiginiń jáne problemalyq turǵyn úi ipotekalyq qaryz boiynsha qoǵamdyq birlestik ókilderiniń qatysýymen onlain kezdesý ótkizdi, dep habarlaidy QazAqparat.
Jiynda qaryz alýshylardyń ekinshi deńgeili bankterge ótinish berý kezinde kezdesetin máseleler jáne berilgen ótinimderdi qaraý merzimderi talqylandy.
Agenttik úsh baǵyttan turatyn negizgi baǵdarlamanyń júzege asyrylý barysymen tanystyrdy.
2021 jyldyń 1 sáýirindegi jaǵdai boiynsha Qazaqstanda baǵdarlamanyń birinshi bóligi aiasynda 171 mlrd teńgege 28 myń qaryz qaita qarjylandyryldy. Qaryz alýshylardyń syiaqy, komissiia, 154,3 mlrd teńge somasyndaǵy turaqsyzdyq boiynsha bereshegi keshirildi.
Azamattardyń valiýtalyq ipotekalyq qaryzyn konvertatsiialaý boiynsha baǵdarlamanyń ekinshi bóligi 2020 jyly aiaqtaldy. Jalpy somasy 132,1 mlrd teńgege 13,8 myń valiýtalyq ipotekalyq qaryz konvertatsiialandy. Qaryz alýshylardyń syiaqy, komissiia, 109,3 mlrd teńge somasyndaǵy turaqsyzdyq boiynsha bereshegi keshirildi.
Agenttik jumysynyń nátijesi boiynsha banktermen birlesip baǵdarlamanyń talaptaryna sáikes keletin halyqtyń valiýtalyq ipotekalyq qaryzdarynyń 100% jeńildikti baǵam boiynsha teńgege aýystyryldy jáne azamattar bolashaqta valiýtalyq qaýip-qaterden qorǵaldy.
Qazirgi ýaqytta halyqtyń áleýmettik osal toby sanaty boiynsha qaryzdy baǵdarlama sheńberinde buryn qaita qarjylandyrylǵan ipotekalyq qaryz alýshylardy, sondai-aq ipotekalyq qaryzdar boiynsha mindettemelerdi oryndaý esebinen jalǵyz turǵyn úii bankterdiń balansyna ótken azamattardy qoldaýǵa baǵyttalǵan baǵdarlamanyń úshinshi bóligi iske asyrylýda.
Bankterge qaryz alýshynyń qarjylyq jáne áleýmettik jaǵdaiyn taldaý negizinde negizgi boryshty azaitý túrinde borysh júktemesin jeńildetýdiń qosymsha tetikterin jeke tártippen qoldaný, qaryz alýshynyń tabysyn eń tómengi kúnkóris deńgeiinen saqtai otyryp, 20 myń teńgeden bastalatyn ai saiynǵy tólemmen jeńildik kestelerin belgileý quqyǵy berildi.
Baǵdarlama sheńberinde memlekettik biýdjetten jáne (nemese) Memlekettik áleýmettik saqtandyrý qorynan tólenetin járdemaqylar men áleýmettik tólemder jáne alimentter de kiris retinde tanylmaidy.
Banktiń balansynda turǵan jalǵyz turǵyn úidi qaryz alýshynyń menshigine qaitarý maqsatynda qarjy institýttaryna qaryz alýshyny jyldyq mólsheri 3% syiaqy boiynsha qarjylandyrýdy júzege asyrý ne oǵan turǵyn úidi keiinnen satyp alý múmkindigimen jalǵa berý quqyǵy beriledi.
Búginde 14,0 mlrd teńge somasyna 1,5 myńnan astam qaryz alýshyǵa qosymsha kómek kórsetildi.
Ipotekalyq qaryz alýshylarǵa qosymsha kómek kórsetý merzimi 2021 jyldyń 1 shildesinde aiaqtalady.
Baǵdarlamanyń talaptaryna sáikes keletin qaryz alýshylar borysh júktemesin azaitý úshin 2021 jylǵy 1 maýsymǵa deiin nesie berýshi bankterge júginýi qajet.
Bank qosymsha kómek kórsetýden bas tartqan jaǵdaida qaryz alýshylar baǵdarlama sheńberinde bankterdiń qaryzdy qaita qarjylandyrýdan bas tartýyna qaryz alýshylardyń shaǵymdaryn qaraý jónindegi komissiiaǵa júginýge quqyly.
