Almatyda 8-10 qyrkúiek aralyǵynda «Táýelsiz Qazaqstannyń ziiatkerlik áleýeti: qalyptasýy men damýyna 30 jyl» atty I Halyqaralyq jas ǵalymdar forýmy ótedi, dep habarlaidy QazAqparat.
Iri ǵylymi sharany Nursultan Nazarbaev qory janyndaǵy Ǵylymi keńes uiymdastyrady. Sonymen birge, Qazaqstan Respýblikasy Ulttyq ǵylym akademiiasy men QR Bilim jáne ǵylym ministrligi Qazaqstan Táýelsizdiginiń 30 jyldyǵyna arnalǵan Forýmdy ótkizýge qoldaý kórsetedi.
«Táýelsiz Qazaqstannyń ziiatkerlik áleýeti: qalyptasýy men damýyna 30 jyl» I Halyqaralyq jas ǵalymdar forýmyna 14 elden 200-ge jýyq spiker men baiandama jasaýshylar qatysady. Olar: Qazaqstan, Belarýs, Ulybritaniia, Germaniia, Kanada, Qytai, Latviia, Portýgaliia, Resei, AQSh, Tájikstan, Túrkiia, Ýkraina, Frantsiia elderinen keledi.
Ǵylymi forýmnyń maqsaty – ǵalymdardy, saiasatkerlerdi, óndiris jetekshilerin, azamattyq qoǵam men BAQ ókilderin jinap, ulttyq ǵylymdy damytýdyń ózekti máselelerin talqylaý.
Forýmnyń baǵdarlamalyq is-sharalary barysynda Qazaqstannyń táýelsizdik jyldaryndaǵy jetistikterine taldaý jasalady.
Forýmnyń negizgi qatysýshylary — jas ǵalymdar. Olar ǵylymi jobalar kórmesinde óz ideialaryn usynady. Sonymen qatar, «Jasyl álem» jáne «Tulǵa men qoǵam» ǵylymi sessiialarynda salany damytýǵa arnalǵan bastamalar men usynystaryn aitady dep kútilýde.
