Almatyda "Qarasora" jedel-profilaktikalyq is-sharasy barysynda esirtki zattaryn zańsyz saqtaý jáne taratý faktileri anyqtaldy, dep habarlaidy ult.kz.
Polisia.kz málimetinshe, qala politsiiasy esirtki qylmysyna qarsy is-qimyl basqarmasynyń qyzmetkerleri zańsyz esirtki ainalymynyń jolyn kesýge baǵyttalǵan keshendi jedel-izdestirý sharalaryn júrgizgen.
Nátijesinde esirtki zattaryn saqtap, taratýmen ainalysty degen kúdikke ilingen birneshe azamat ustaldy. Tintý barysynda ósimdik tektes jáne sintetikalyq esirtkiler, sondai-aq olardy ólsheýge, býyp-túiýge arnalǵan elektrondy tarazylar men arnaiy oraý materialdary tárkilendi.
Sonymen qatar jedel sharalar kezinde tyiym salynǵan ósimdikterdi saqtaý derekteri anyqtalyp, qarasoraǵa uqsas ósimdikterdiń túpteri tabylǵan.
Tergeý barysynda zańsyz áreketke qatysy bolýy múmkin taǵy bir kúdikti anyqtalyp, onyń turǵylyqty mekenjaiynan esirtki zattary, arnaiy qural-jabdyqtar jáne qylmystyq áreketti dáleldeitin ózge de aiǵaqtar tárkilendi.
Atalǵan faktiler boiynsha esirtki quraldaryn ótkizý maqsatynsyz zańsyz saqtaý jáne olardy zańsyz taratý belgilerimen qylmystyq ister qozǵaldy.
Almaty qalalyq politsiia departamentiniń málimetinshe, esirtki qylmysyna qarsy kúres jáne zańsyz ainalym arnalarynyń jolyn kesý baǵytyndaǵy jumystar aldaǵy ýaqytta da jalǵasady.
