Almatyda 33 jastaǵy er adam jarylǵysh zattan zardap shekti, dep habarlaidy QazAqparat tilshisi.
Aldyn ala belgili bolǵandai, 33 jastaǵy jigit tańǵy 7:21-de aýrýhanaǵa jetkizildi.
Túsken kezde oǵan qosarlanǵan jaraqat, bas súiegi men miy shaiqalǵan degen diagnoz qoiyldy.
«Jarylys saldarynan onyń oń qoly men súiekteri jaraqattanǵan. Basy men keýdesin, moinyn 2-3 dárejeli kúiik shalyp, 2-dárejeli shok alǵan. Denesiniń 10 paiyzyn kúiik shalǵan», - dedi №4 qalalyq aýrýhananyń jaraqat bóliminiń meńgerýshisi Dáýren Túsipov.
Dárigerler patsienttiń qolyna shuǵyl túrde ota jasalǵandyǵyn jetkizdi.
«Qazir patsienttiń jaǵdaiy aýyr. Qarqyndy terapiia bóliminde em qabyldap jatyr. Shokqa qarsy terapiia júrgizilýde», - dedi D.Túsipov.
Poltsiia oqys oqiǵa týraly keiin aqparat beretindigin habarlady.
