Almatyda otbasylyq janjal adam ólimimen aiaqtaldy. Qaiǵyly oqiǵa Almaly aýdanyndaǵy Brýsilovskii kóshesinde ornalasqan turǵyn úilerdiń birinde bolǵan, dep habarlaidy ult.kz.
Politsiianyń málimetinshe, tańǵy saǵat 03:00 shamasynda páterde er adamǵa pyshaq jaraqaty salynǵany týraly habarlama túsken. Oqiǵa ornyna jedel jetken politsiia qyzmetkerleri men dárigerler 59 jastaǵy er adamdy aman alyp qala almady. Ol kóptegen pyshaq jaraqaty men kóp qan joǵaltýdyń saldarynan kóz jumǵan.
Kúdik marqumnyń 34 jastaǵy ógei ulyna tústi. Aldyn ala málimet boiynsha, otbasylyq janjal kezinde ol ógei ákesine as úi pyshaǵymen birneshe ret soqqy jasaǵan. Tergeý nusqasyna sáikes, janjal marqum men jubaiy arasyndaǵy kelispeýshilikten keiin týyndaǵan.
Atalǵan derek boiynsha kisi óltirý babymen qylmystyq is qozǵaldy. Kúdikti ýaqytsha ustaý izoliatoryna qamaldy.
Qazir politseiler oqiǵanyń barlyq mán-jaiy men qylmystyń naqty sebepterin anyqtaý úshin keshendi tergeý amaldaryn júrgizip jatyr.
