Almatyda er adam avtobýsta jynys múshesin shyǵaryp otyrǵan. Bul týraly "NeMolchiKZ" qorynyń prezidenti Dina Tańsári Instagram-paraqshasynda jariialaǵan, - dep habarlaidy Massaget.kz portaly.
Qoǵam belsendisiniń aitýynsha, oqiǵa 63-avtobýsta bolǵan. 22 jastaǵy qyz keshki ýaqytta avtobýsqa mingen.
"Ishi jartylai bos 63-avtobýsta oryndyqtar bir-birine qarama-qarsy qarap turatyn artqy oryndyqqa otyrdym. Árirekte otyrǵan jigitti baiqadym. Kenet ol maǵan burylyp, birtúrli qarady. Keiinirek burylyp ketti. Biraq maǵan qarama-qarsy otyryp aldy. Onyń shalbary ashyq ekenin baiqadym. Ol ashyq túrde óziniń jynys múshesin ustai bastady. Ony videoǵa túsirip aldym, bet álpeti de kórinip tur. Qorqyp kettim, basqa jerge otyrdym, keiin ol taǵy maǵan qarama-qarsy otyrdy. Sońǵy aialdama boldy, avtobýstan júgirip shyqtym. Ony taýyp, ustaǵanyn qalaimyn. Alda mundai jaǵdai bolmasyn, adamdar da saq bolsyn. Ásirese, kámeletke tolmaǵandar", - dep jazǵan oqiǵa týraly qyz.
Ázirge Politsiia departamenti bolǵan oqiǵa týraly resmi pikir bildirmegen.
