Almatyda elitalyq úilerdiń ieleri biýdjetke 30 mln teńge qaryz. Bul týraly Medeý aýdandyq Memlekettik kirister basqarmasy málim etti, dep habarlaidy "Ult aqparat".
Bul úiler Medeý aýdanyndaǵy Dostyq, Qyz Jibek, Ońdasynov, Gornaia, Kóktóbe, Gornyi gigant shaǵyn aýdandarynda ornalasqan.
Búginde olardyń salyqtyq bereshegi 34 mln teńgege jetti.
Máselen, Qyz-jibek kóshesinde ornalasqan aýmaǵy 750 sharshy metr bolatyn quny 95 mln teńgelik kottedjdiń qojaiyny 1,5 mln teńge salyq tólemegen.
«Mundai boryshkerler óte kóp. Bul isterdiń kópshiligi sotqa baǵyttaldy.
Eger olar qaryzdaryn keler aptanyń sońyna deiin tólemegen jaǵdaida, salyq organdary olardyń attaryn BAQ arqyly jariialaýǵa májbúr bolady. Bul tizimde ataqty adamdar bar. Jeke tulǵanyń salyqtyq boryshy salyq qupiiasy bolyp sanalmaidy. Qazaqstanda 13 tamyzdan bastap salyq raqymshylyǵy bastaldy.
Negizgi qaryz tólengen jaǵdaida ústindegi ósimaqysy keshiriledi», - dedi salyq organdarynan.
