Foto: Almaty qalasy ákimdigi
Almatyda 15 sáýirde keshki ýaqyttan bastap 17 sáýir tańǵa deiin tolassyz jańbyr jaýady dep boljanyp otyr, - dep habarlaidy «Ult aqparat» Almaty qalasy ákimdigine silteme jasap.
Kommýnaldyq qyzmetter qalanyń sý burý júielerin aldyn ala tekseredi, sý qabyldaý torlaryn, aryq júieleri men qudyqtardy tazartý jumystaryn júrgizedi. Aryq jelileri men aryq ótkelderin tazalaý boiynsha josparly jumystarǵa 320 jumysshy jáne 88 arnaiy tehnika jumyldyrylǵan. Kún saiyn aryq jelisinen shamamen 250 tekshe metr smeta, lai jáne qoqys shyǵarylady.
"Sý basýdyń aldyn alý jáne jekelegen ýchaskelerde sýdyń kedergisiz ótýin qamtamasyz etý úshin jaýyn-shashyn kezinde motopompalarmen, bagrlermen jáne basqa da qajet quraldarymen jabdyqtalǵan 52 jedel mobildi brigadanyń kezekshiligi uiymdastyrylady jáne 2,3 myń qap qum daiyndaldy.
Túngi kezeńde 236 arnaiy tehnikany, 28 motopompany jáne 215 jol jumysshysyn tartý josparlanyp otyr. Qajet bolǵan jaǵdaida qosymsha 150 tehnika men 200 jumysshy jumyldyrylady", - dep jazylǵan habarlamada.
Ákimdik ókilderi sý basqan nemese ýaqytsha sý jinalǵan jaǵdaida aýdan ákimdikterine habarlaýǵa nemese +7 706 689 8898 what's app nómirine habarlama jazýǵa shaqyrdy.
