Almaty politsiiasy E-Polisia KZ qosymshasyn ázirledi. Osy baǵdarlama arqyly azamattardyń qalada júrýine ruqsaty bar-joǵyn anyqtaýǵa bolady, dep habarlaidy "Ult aqparat".
Almaty qalalyq PD málimetinshe, E-Polisia KZ qosymshasy Ishki ister ministrliginiń qoldaýymen daiyndaldy jáne búginnen bastap iske qosyldy.
«Bul baǵdarlama arqyly koronavirýspen kúresý jónindegi jedel shtabtyń arnaiy málimetter bazasynda JSN jáne kóliktiń memlekettik tirkeý nómirimen tekserýge bolady. Endi kez kelgen azamat óziniń mobildi qurylǵysyn paidalanyp, qosymsha arqyly qalada karantin kezeńinde júrýge ruqsaty bar-joǵyn bile alady. Demek, bizdiń Call-ortalyqqa 254-40-07 telefonyna qońyraý shalýdyń qajeti joq.Sondai-aq, osy qosymshanyń kómegimen siz onlain rejiminde politsiiaǵa ótinish,shaǵym, bere alasyz.Sonymen qatar, koronavirýs týraly tiisti aqparatpen tanysýǵa da bolady. Búgingi tańda kóptegen azamattardy joǵaryda atalǵan taqyryp qyzyqtyrady, sondyqtan «Jii qoiylatyn suraqtar» aidary atalǵan taqyrypqa beiimdelgen. Qosymshada karantin aimaǵynyń perimetri boiynsha jol tosqaýyldaryn kesip ótý erejeleri týraly bólim bar», - deidi Almaty qalalyq PD bastyǵy Qanat Taimerdenov.
Qosymshanyń basty betinde politsiia basqarmasy, aýdandyq ákimdikter men politsiia bólimderiniń, sondai-aq ýchaskelik pýnktilerdiń mekenjaiy kórsetilgen.
